大陸各個電視台向來對跨年晚會相當重視，就以浙江衛視為例，今年就找來蔡依林、Angelababy、陳偉霆、S.H.E、鄧紫棋等人，而江蘇衛視就有趙麗穎、李易峰、吳亦凡，就咁睇都知個個都身價不菲。之不過，今年跨年晚會大贏家，就落喺有胡一天、張惠妹、TFBOYS、羅志祥、張藝興、林憶蓮助陣嘅湖南衛視之上。

其實湖南衛視對於今年晚會陣容一陣都未有公開，所以當其他電視台以迪麗熱巴性感跳舞、吳亦凡、趙麗穎首度同台為賣點時，又確係值得期待。咁當所有人都係表演唱歌跳舞，湖南衛視到底贏在哪？據全國收視數據顯示，羅志祥組曲《Only you+愛投羅網+夠了》並聯同韓國組合SJ-M成員Henry　dance battle時段，實收5.6%，成為全國收視之冠。

其實，羅志祥近年除綜藝節目《極限挑戰》外，有份主演嘅電影《美人魚》、《西遊·降魔篇》、《極限挑戰之皇家寶藏》、《機器之血》總票房超過50億人仔，絕對係名利雙收。如今連跨年晚會收視王都做埋，睇怕身價又可以倍升。