【溏心風暴3】司祺姐教你用英文講金句：「You do KFC wrong！」
撰文：梁雅婷
出版：更新：
See See TVB特別為《溏心風暴3》製作多個語言版本短片，教人點用外語鬧人「做雞」。（影片截圖）
《溏心風暴》仲有10集就大結局，昨晚講到陳敏之繼續死纏難打，纏住有婦之夫唐文龍，被李司棋摑兩巴，仲鬧佢「你去做雞喇你！」成為全劇高潮之一。See See TVB就好貼心，為了海外市場，製作一個搞笑多個語言版本，由短片「溏心英語1分鐘教你點鬧人做雞」教你用英文鬧人，中間更夾雜數句日文，製作人仲聲稱希望聽不明廣東話的觀眾都感受到司棋姐金句的威力，至今已經超過1萬人次分享及讚好。
今次短片特別同時配上中、英、日文字幕，最精景的對白就一定係司棋姐句「You do KFC wrong！」完美抽撃肯德基句slogan，仲要加上港式英文「You still ai，You still lur！」直譯司祺姐句「你仲要唉，又要𦧲！」簡直將呢幕經典場面再升華，中間夏雨句日文「唔好！」仲配日文字幕，製作都好仔細，希望下次TVB仲會整多個《溏心風暴3》金句英文版娛樂大家啦！
+3
短片中，夏雨就配上日文配音「DAME」，《溏心風暴3》果然夠晒國際化。（影片截圖）