無綫50周年台慶重頭劇《溏心風暴3》入面並無一個大奸角又或者大反派，不過就有唔少亦正亦邪的角色，其中一個一定是米雪所飾演的大許太Amelia喇。米雪在劇中演活了一個自私勢利的上等人，咩都以利益行先，又白鴒眼睇唔起人，唔止對外人總是機關算盡，就連對住自己個女Belle (岑麗香飾) 都一樣好攻心計，為了氹個女乖乖嫁給有錢仔Brian (陳智燊飾)，仲使出一招以退為進，對住屋企人都要玩心理戰，有個咁樣的阿媽都咪話唔恐怖。臨到香香要出嫁一刻，米雪都仲要keep住幫她洗腦，究竟佢係咪真心鍚個女為個女好，定根本當個女係棋咋？

今集的劇情講到Belle同Kyle (王浩信飾) 講清楚之後，返到屋企不停喊，米雪見個女咁樣當然好擔心啦，她並非擔心個女咁難過，而是擔心個女會反悔話唔嫁給Brian。所以她關心完Belle即施展出一招以退為進，扮晒唔想迫Belle嫁Brian，話個女其實可以選擇唔嫁，一心想個女開心，不過又好憂心忡忡咁話如果唔嫁，他們一家又會唔知怎算好。Belle見媽咪擔憂到喊晒口咁，向來好孝順的她即刻安慰返米雪轉頭，仲實牙實醫承諾自己一定會嫁給Brian，米雪奸計得逞，當堂放心晒。

【溏心風暴3】王浩信同岑麗香愛情線老土 今時今日仲玩賣身救父

【溏心風暴3】米雪演活刻薄難頂上等人 一輪嘴力數王浩信無樣好