【溏心風暴3】韓馬利爆seed發狂鬧人 3頁對白冇NG：鬧到聲嘶力竭
撰文：張嘉敏
出版：更新：
韓馬利個仔車禍死咗，佢梗係好傷心啦。
無綫台慶重頭劇《溏心風暴3》昨晚播出的一集令大家印象最深刻的，應該都係Brian媽楊太 (韓馬利飾) 爆seed喪鬧Belle (岑麗香飾) 一家那一場戲喇，飾演富貴寡母婆的韓馬利因為獨生子Brian (陳智燊飾) 車禍喪生，認定了新抱香香是不祥人，兼且許家是有計謀咁呃她50億，於是發晒癲咁一輪嘴鬧爆他們。呢場戲韓馬利完全演繹到那種喪子之痛後失去晒理情的阿媽，亦令一班觀眾同網民大讚她好戲。
佢個樣好惡呀。
香港01記者電話訪問了韓馬利，原來這場鬧人戲有成3頁紙對白，但她都能夠一Take過搞掂。她說：「場戲係一take過，不過有啲字監製覺得我咬字唔係咁清晰，要再講多一次，嗰日我嗌到聲嘶力竭。場戲唔係一shot落晒3頁紙對白，係分兩take拍嘅。」對於可以一次過鬧晒米雪、岑麗香、李國麟、李成昌同莊思敏咁多人，係咪好過癮呢？韓馬利笑謂：「鬧人唔係咁爽㗎咋，鬧到我聲嘶力竭，自己都好擔心驚過咗火。排戲時導演話要再激啲，要我歇斯底里用力鬧大聲鬧，因為無咗個心肝命掟，係要咁唔理性地鬧㗎喇，嗌完我真係成個人軟晒。」
許家成家企定定畀佢鬧。
她自己都覺得今次呢一鬧係好癲：「我都覺得我係無理取鬧，當我睇到個劇本時心諗使唔使咁呀？咁無理取鬧呀？導演話係呀，咁樣啱㗎喇，一個寡母婆咁有錢又好信命理風水，無咗個九代單傳嘅仔係咁無理性㗎喇。咁劇本唔改得，我唯有照講囉。我自己睇完場戲都覺得好過份㗎，不過無辦法啦，就當我係一個唔講理由嘅老太婆。」
佢鬧香香係不祥人。
【溏心風暴3】米雪早有預謀呃親家錢 韓馬利嬲到要佢全家墊屍底
【溏心風暴3】岑麗香做快樂人妻要幫陳智燊生B 唔嫁最愛一樣幸福
【溏心風暴3】王浩信同岑麗香愛情線老土 今時今日仲玩賣身救父
香香畀佢鬧到喊。
+8