1月17號應該係宜宣佈喜訊嘅日子，歌手林宥嘉呢日出席活動時，向台灣媒體一人送上一份小禮物，附上一張畫有小baby嘅卡片，當場宣佈自己就嚟做爸爸啦﹗佢同老婆丁文琪（Kiki）2017年1月初登記結婚、6月舉行婚禮，剛好成為合法夫妻一年就做人成功，Yoga仲透露bb係小宥嘉，即係囝囝嚟架，佢喺現場表現相當興奮不停分享初為人父心情：「去產檢可以聽到寶寶的心跳，很想哭。」

林宥嘉分享當日知道老婆懷孕嘅過程，原來Kiki早有預謀要為老公送上驚喜：「那時候太太拿著驗孕棒，騙我是朋友孩子給的禮物，剛好我那個時候沒帶眼鏡，等到看清楚的時候，真的傻住了，後來覺得好感動，而Kiki則拿著手機拍我驚訝的反應。去產檢當下照超音波，聽到寶寶的心跳聲十分感動，非常想哭！」Yoga表示剛懷孕滿3個月，所以兩夫婦親手整小禮物送俾傳媒順道公佈喜訊，預產期會係今年7月，自己會努力排開工作多啲陪住太太。