自從Angelababy（Baby）與黃曉明結婚並於2017年初誕下仔仔「小海綿」之後，不少網民都好關心究竟小海綿個樣係點嘅，到底會似爹哋多些抑或是似媽咪多些呢？不過作為爸媽的Baby同黃曉明的保密工夫就做得非常好，為了保護仔仔，不讓仔仔的容貌曝光，每次帶同仔仔出入都好低調，而咁樣亦令外界Keep住好奇。

今日Baby竟然首度於自己的微博公開了仔仔的樣貌！原來不知不覺間小海綿已經1歲大喇，為慶祝仔仔的生日，Baby就激罕地上載了仔仔的正面相到微博。不過Baby就用了一對卡通公仔眼遮住了仔仔個樣，只是給仔仔的嘴仔見人，不過見到他嘟嘟嘅面珠同笑晒咁露出幾隻牙仔，都feel到他好可愛。小海綿身穿西裝配戴上煲呔，好型仔㗎。有網民就話小海綿的下巴好似Baby，大家又覺得似唔似呢？