【溏心風暴3】李成昌奸到駕輕就熟 勢利二當家：未到殺人放火
撰文：黃梓恒
出版：更新：
《溏心風暴3》入面，基本上無一個正式的奸角，不同頭兩輯有關菊英和米雪做大反派。如果要講邪氣人物倒有一個，就是李成昌飾演的許二少，基本上由一開始他和老婆Alice（莊思敏飾）便以一副高高在上，看不起其他人的臭咀臉角色出場。由頭到尾基本上沒有變過，亦令到昌哥成為劇中比較出位的奸角，集集見到他基本上都在想壞主意和煽風點火。
兩公婆由第1集衰到第39集。（電視畫面）
昌哥自1979年加入無綫，到現在已經差不多有40年，由於在《溏心風暴》飾演菊姐的姦夫常在德，其陰險奸詐令他突破聲名大噪，更彷彿將他和奸連成了一線。在接受《香港01》訪問時，昌哥表示自己做奸角實在已經駕輕就熟，他說：「奸角我真係成日做㗎喇，基本上我已經儲埋晒，款款都有，監製要邊款我就俾邊款。不過我又未算奸到好勁嗰啲，即係未到殺人放火，我係奸得有限度，我亦都會做到令觀眾無咁憎我，不過有試出街都會俾人話㗎，去街市買菜啲靚姐都會話唔買俾我，咁當然都係講笑喇！最緊要都係俾我知道有人留意自己嘅演出。」
其實昌哥都有做搞笑角色。（網上圖片）
今次《溏心風暴3》比起頭兩輯，無論評價和收視都爭一大段距離，被批評一直玩舊套路，一成不變，多好看的事都會變得沉悶，不過昌哥卻有另一個看法，他說：「其實唔可以話行返舊路，應該係貫徹返個作風，一直以來《溏心》系列就係玩緊呢樣嘢。今集都有唔同嘅位，就係你會發現後生仔少咗好多，好多後生嘅線都係家外嘅嘢，而家庭溫暖呢個角度係有好多喺入面，夏記（夏雨）好叻做呢啲！（點睇收視？）其實收視對我哋影響無咁大，反而係對幕後比較大，而我哋演員重視嘅係我哋做出嚟嘅戲有無人留意，所以我都會去睇網民嘅意見。同埋始終而家睇電視嘅習慣已經唔同咗，可能係多咗選擇，加上有啲人就係擺明唔睇你，你明喇，有啲嘢都唔使講到咁白。」想不到昌哥都會去看網民的意見，相信大家對你的評價都是正面的，期待著你下一部作品。
大家不妨留多啲言俾佢睇。（電視畫面）
昌哥後生好靚仔。（網上圖片）