王浩信在《萬千星輝頒獎典禮2017》中大熱做視帝，得獎說感受時，除了讚揚TVB過往的歷史，同埋TVB如何在他低谷時幫助他，就只略略提過吓屋企人，都有多謝老婆陳自瑤（Yoyo），不過篇幅唔多。在頒獎禮前，浩信接受《香港01》訪問時講過：「都應該係（睇直播嘅），我知道佢哋會睇嘅，唔排除會喺現場，不過盡量低調處理，老婆同個囡都會全力支持我。」不過自己都唔肯定佢兩個會否睇直播，只係話應該會睇，同埋老公拎獎，明知係爭視帝咁大件事，應該要到場喇，看來他們的溝通多少有點不足。

在頒獎禮後，浩信在訪問時又再談及屋企，不過主要講自己作為長子對媽媽的不負責，感激媽媽對自己的包容和照顧，相反老婆都係無乜點講。除了浩信無點講老婆，其實Yoyo在老公得獎後亦都無乜恭賀說話，浩信雖然有話老婆有短訊祝賀，不過邊個知？Yoyo自1月1號後已經沒有在網上社交媒體（包括Facebook、Instagram和微博）發過文，但今日又突然之間有更新，不過並不是祝賀浩信，而且Lego展和自己在《包青天再起風雲》的造型照。

想當年，佢兩公婆經常都會有網上放閃，尤其是Yoyo，看她的Instagram便知道她是有多麼的幸福，經常都會有老公和囡囡出鏡。不過自從浩信因為拍《踩過界》而同蔡思貝傳出緋聞，甚至傳到浩信已經正式和Yoyo分居，雖然之後開晒記者會澄清，不過Yoyo都已經沒有再在網上曬幸福。今次連老公拎獎都無公開恭賀，真係有點奇怪。

王浩信公開澄清婚變傳聞：「我同太太一啲事都無，放心」

王浩信模範夫妻走到第6年 傳陳自瑤不肯追第二胎感情亮紅燈