【合久必分】何佩瑜翁子光宣布分手 年半感情轉淡做好友︰謝謝你
撰文：洪曉璇
出版：更新：
拍拖半年左右，何佩瑜就同翁子光到蜜月勝地馬爾代夫旅行，呢張熊抱照閃盲唔少網友。(何佩瑜IG)
成日話合久必婚，到底係結婚嘅婚，定係分手嘅分，真係好睇兩個人目標是否一致。何佩瑜同導演翁子光16年7月公開戀情，其後打得火熱，多次孖住出席首映禮，更曾經齊齊到馬爾代夫旅行，被指係預支蜜月，估唔到呢日傳出分手消息。
當日何佩瑜以呢張相，加上「小寶寶」稱呼翁子光，順道公開戀情。(何佩瑜IG)
曾經嘅呢一句愛的宣言，依家看來只剩追憶。(翁子光Facebook)
何佩瑜以模特兒身份加入娛樂圈，惹火身材兼相當搏命，令佢喺影圈工作不斷。至於遵演翁子光則憑電影《踏血尋梅》一舉成名，成為新一代本地年輕導演代表之一。當日承認戀情後，翁子光曾經於網上公開放閃話：「從今只想跟你甘苦與共，願你的微笑伴我朝暮至老。」雖然兩個人年紀相差十年，但Jeana於訪問中曾經分享過：「我跟他很易溝通，話題好一致、工作上的目標亦都好一致。他會跟我分享接下來的工作，我也會跟他討論自己新戲的角色。」
何佩瑜因余迪偉與翁子光結緣：世事很玄妙【書展】何佩瑜公開戀翁子光感輕鬆 不怕男友禁拍親熱戲
翁子光執導嘅《風再起時》，搵嚟女友何佩瑜飾演梁朝偉太太。之後電影上映宣傳時二人又有大把機會需要同場啦。(何佩瑜Facebook)
去年尾Jeana受傷入院，有指全程由何媽媽照顧，男友翁子光未曾探望。(何佩瑜Facebook)
1月27號Jeana於IG留言話：「謝謝你。感恩這幾個月大家已經找到了最舒服的相處模式。好朋友。一切美好和回憶。」並附上一張獨照，及一張同翁子光嘅合照，以「回憶」二字暗示情已逝。有指二人因為工作繁忙聚少離多，導致感情變淡，上個月Jeana沖涼時不慎跌到受傷入院，導致傷口細菌感染，但翁子光未曾現過身探望，傳出感情亮起紅燈。Jeana回覆傳媒時表示二人之間絕無第三者，以後會維持好朋友關係。
何佩瑜選擇一張同翁子光嘅舊照，配上回憶二字宣布分訊。(何佩瑜IG)
人地宣布分手，何浩文走去留言話SWEET，攪到Jeana都唔知俾咩反應好啦。(何佩瑜IG)
+2