生活於中國人的社會，為家族開枝散葉傳宗接代，可以話是一種根深蒂固的傳統思想，如果屋企是有錢人家，生仔更加是承繼家產甚至是鞏固權力的大絕。無綫處境劇《開心速遞》昨晚那集就是講Terry (李偉健飾) 被爸爸迫他去相睇，想他早日成家立室，唔畀他自己戀愛不特止，仲要他成為政治婚姻的犧牲品，要求他同生意大客的千金交往，來促成生意上的合作。

其實唔止Terry爸爸，就連Terry舅父KC (歐瑞偉飾) 同Terry家姐大小姐 (林淑敏飾) 都覺得政治婚姻無咩問題。當Terry質疑：「估唔到連揀女朋友嘅自由都無，我仲係唔係生活喺21世紀㗎？」KC就即刻話：「21世紀又點呀？上流社會用政治婚姻鞏固政治霸權，呢個習性到23世紀都唔會改變㗎。」KC又講得好啱喎，有錢人的世界就是這樣，咩都利益行先，生活於上流社會可能就會失去了某些自由，都唔係真係咁開心咋。而Terry最終竟然膽敢反抗爸爸，但爸爸又居然無重罰他，只是責罵幾句了事。大小姐雖然都好錫細佬Terry，不過對於爸爸咁重男輕女都扁晒嘴。