陸永個大女陸一穎 (Hannah) 六歲生日喇，陸永同老婆Reina特地為囡囡舉行了生日會慶祝，Reina仲將囡囡的生日相上載到instagram同大家開心share。不過相入面的Hannah就扁晒嘴，就算對住個她近期最愛的靚靚貓頭鷹生日蛋糕，她個樣望落好唔開心咁，小朋友的表情係最真情流露㗎，呃唔到人。而作為媽咪的Reina都有留言為大家解開謎團。

媽咪Reina表示：「今日Hannah同班朋友仔玩得好開心，佢唔知媽咪原來偷偷哋幫佢邀請埋幾個同學仔，見到同班同學嚟佢生日會，佢興奮到呢~~~喺baba未拎個生日蛋糕出嚟之前，我同佢講，我訂咗個佢最鍾意食嘅菠蘿包做生日蛋糕。「媽咪，你係咪整蠱我咋？」到陸生拎個蛋糕出嚟嘅時候，估唔到一個六歲嘅小朋友，會感動到「眼濕濕，哈哈！唱完生日歌，佢有少少唔開心，因為佢唔捨得切隻貓頭鷹食... 最後我哋淨係切蛋糕，唔切貓頭鷹，佢即係開心返曬！」

其實Hannah都不想自己長大得咁快，媽咪Reina日前就於ig上載了囡囡另一張扁嘴相，話囡囡唔想生日唔想做大人：「食食下飯，佢突然好唔開心... #仲有幾日就六歲 #佢唔想大個想繼續做小朋友」Hannah真係好感性呀。