做藝人工作時間不穩定，經常日夜顛倒，晨早通告又或者開通宵都係等閒事，今日黃心穎就於她的Instagram限時動態上載了一條短片，講述自己凌晨5點多啲已經返到無綫電視城。咁早返到公司的她當然素顏上陣，難得她毫不介意讓大家見到她呢個樣，證明她對自己個素顏樣好有自信啦。

心穎話：「啱啱返到公司，一個人都冇呀……」仲話拍攝工作好似要拍到翌日凌晨4點，咪即係差不多要做足24小時，做藝人真係唔容易。不過心穎都相當捱得，就算工時咁長都keep到個靚樣，可能有愛情滋潤係唔同啲嘅，正所謂戀愛中的女人係最靚嘛。