新年新氣象，即將踏入狗年之際娛樂圈又傳來好消息，尋日傳出吳雨霏最近忽然神隱仲取消埋演唱會，係因為再次懷孕，大家都為佢相當開心。呢日Kary上載一家三口合照，同老公Brian以及愛犬相視而笑，並留言話：「我們要當爸爸媽媽了！謝謝大家的祝福！」

現年31歲嘅Kary吳雨霏，15年1月同初戀男友Brian洪立熙，於美國註冊結婚。雖然婚後Kary繼續工作，不過據知佢地一直都有造人計劃，可惜喺16年11月公布小產消息。呢次新生命降臨令Kary及Brian相當驚喜。Kary上載一張黑白照，相中兩夫婦著上黑白情侶裝，一向身型相當廋削嘅Kary仲露出5個月孕肚，已佢嘅愛犬就喺二人中間望住孕肚，相當有愛。

吳雨霏懷孕3個多月　封鎖消息免得添加壓力

Kary所屬嘅環球唱片官方回應表示：「Kary而家懷孕近5個月，佢同Brian 心情都好開心好興奮！跟住這幾個月Kary會好好養胎。公司上下也非常開心，會全面配合，希望未來幾個月可以給予Kary空間好好享受這懷孕過程！昨天Kary也收到很多朋友的短訊祝福！謝謝各位媒體朋友的愛和關心。」