《金宵大廈》女主角李施嬅(Selena)原來已經有一年半時間沒有在TVB劇集出現，對上一套已經是2016月5月中的《純熟意外》，相信大家都好掛住佢！今次拍攝《金》，劇集放在被一般人認為是炮灰檔的星期日，她就有另一番看法：「我覺得無影響，啲人好多時都係上網睇，同埋星期日嘅收視都唔係差過平日好多，加上我對呢套劇好有信心，個劇種好少有。同埋我哋編審係上年《降魔的》個編審，呢套劇真係好好，我係幾欣賞佢呢套劇，真係好精彩，我好少追劇，今次真係追。再睇完《金宵大廈》呢個劇本，係幾得意同埋大膽，你會覺得呢啲唔係平時睇到嘅嘢，我諗大家會想睇。」看來整部劇的演員荒編審羅佩清都相當有信心。

至於為何Selena那麼久沒有在TVB劇集出現，事關早前大概忙於在美國拍微電影，仲憑微電影《Once More》奪得《European Cinematography Awards》及《Los Angeles Film Awards》的最佳女主角，成為雙料影后，認真巴閉！今次回來再戰香港，未知對視后有無衝擊的信心呢？話晒今次佢有兩套擔正做女主角的劇集，分別是《天命》和王晶監製的《荷里活有個大老千》，絕對有機會爭！她說：「嘩，好遠喇呢樣嘢！其實反而我好期待上年喺加拿大拍咗套外國劇，第一次同全外國嘅團隊拍劇，嗰套劇嘅角色同平時嘅我好唔同，係一個殺手但又好多包袱唔想殺人，又有打鬥又揸槍，所以我仲期望呢套有成績，又希望可以為香港演員爭光，呢個我會仲開心。我都希望會愈來愈多參與外國製作，但係香港無得睇，有機會Netflix Asia有得睇，叫《Blood And Water》，應該今年年中會出街。」

現在很多演員北上大陸尋機會，其中外國一樣可以打響名堂,「至於香港，我唔會好諗住爭，要嚟就嚟，如果我地「胡說八道」入面其中一個拎到都好開心。《天命》比較男主，晶哥嗰套又好多人，如果講發揮應該《金宵大廈》係大啲。加上第一次同山聰合作係好新鮮，我都同期待，因為佢第一次做男一，一定會搏晒命，哈哈！」兩人在TVB多年今次卻只是首次合作，希望呢對新組合會有火花帶給觀眾。