大家除了生病時會戴口罩，仲有咩情況之下會戴口罩呢？可能有些女仔不化妝時都會戴口罩來遮一遮個素顏，近日就有網民開post討論女仔戴口罩之後，淨係露對眼出來，望落個樣會靚咗，甚至戴口罩會靚過不戴口罩的時候。林穎彤 (Bella) 雖然無看過有關討論，身邊亦沒有出現這類「口罩美女」：「如果話人戴口罩靚過唔靚，好似踩緊佢咁。」不過她就表示自己都幾鍾意戴口罩，不止患病時才會戴，還會於去日本旅行時搜羅一些得意和特別的口罩。

即使沒有患病的Bella有時都會戴口罩，她接受《香港01》記者訪問時說：「搭的士啲冷氣好凍，我就會戴口罩擋一擋，無咁容易病。反而素顏就唔會戴口罩，因為戴咗會令個樣顯得更加病。如果唔化妝出街，我就會搽唇膏，等面色好啲。」而Bella近期就愛戴一款日本的美顏口罩，屋企有過百個存貨：「呢款口罩有兩條鐵線，同埋係V形唔方方形嘅，戴咗就好似V面咁。」她更有個小櫃桶專用來擺放口罩，有朋友去日本也會託對方買。