歌手林奕匡（Phil）早前到黃埔為新專輯《My Taste of Life》舉行簽唱會。Phil去年與前TVB財經主播、體育主持女友李靄璣（Rikko）結束愛情長跑，今年首次以人夫身份過農曆年兼派利市，在是次活動中Phil相當識做，以印有「Phil & Rikko」的利市給了現場3位幸運兒。而他們只需向大家拜年講恭喜說話即可得到利利市市。

雖然Phil在今個新年「名正言順」派利市，但其實他在未婚的時候早已有派利市的習慣，目的希望身邊的人可以開開心心，「其實派利市年年都有，係工作上嘅利市，希望大家開開心心，順順利利，都係一啲心意嚟嘅，所以我好適應派利市呢個習慣。不過今年真係有啲唔同，始終結咗婚吖嘛，就可能要派埋結咗婚嗰一份，心情好似sweet啲。」Phil自上年8月與老婆Rikko在加拿大結婚後一直未有在香港補擺喜酒，他表示補辦日子將於下月6日。