李施嬅搞粉絲捐血見面會：藝人具影響力應貢獻社會
撰文：冼燕珊
出版：更新：
好多Artists都會得閒搞吓Fans meeting，同粉絲近距離接觸，但形式不外乎飲飲食食，大家開心傾吓偈，但今次李施嬅（Selena）搞嘅粉絲見面會就唔同啲，佢同粉絲一齊去紅十字會捐血呀！
李施嬅自發約粉絲齊齊去捐血。（IG圖片）
Selena接受《香港01》訪問，佢話已經搞咗呢個捐血Fans gathering幾次，而呢個咁有意義嘅活動，係佢自己發起的，並唔係同官方合作，Selena說：「我覺得我哋做藝人有一定嘅影響力，應該用嚟貢獻社會，去帶動別人去做一啲有意義嘅事。」
Selena說作為藝人具一定的影響力，應該用來貢獻社會。（IG圖片)
+2
雖然Selena係活動發起人，但佢自爆自己其實好怕打針：「可能係因為我自己驚打針，又怕血，但又好想捐血，所以叫fans陪我一齊壯膽，好多fans都係第一次捐血，雖然大家都驚（捐血），但捐完都好開心，又有好大嘅滿足感，因為可以幫到人。」Selena續說，雖然自己飲飲食食係好開心，但可以用自己的力量去幫助到別人更加開心，所以覺得這種形式嘅fans gathering更加有意義。
Selena真係人美心善。(IG圖片)
原來Selena除了在香港發起粉絲一齊捐血，佢亦曾經喺星加坡搞過粉絲捐血見面會，不過嗰次佢就捐唔到，因為要當地公民先可以捐，雖然係Selena唔係星加坡人，但都跨地域去推廣捐血，真係非常有心！而除咗帶粉絲捐血之外，Selena仲有探訪長者同清潔沙灘，真係為善不甘後人，人靚心更靚！
如果你都有興趣同Selena一齊做善事，想報名參加，詳情請留意返Selena嘅IG喇。