一年用上7百張面膜嘅范冰冰，最近連美妝Blogger都做埋，諗住同大家分享自己的保養心得，可惜佢只要被佢推薦過的產品，如同死亡之吻一樣，瞬間斷市，搞到一班代購大叫救命，而范冰冰亦因此感到無助，仲話想金盆洗手。

話口未完，范冰冰成立了「FNABEAUTY」美容品牌，在微博以「把我知道的美，都給你」作自我介紹，另外亦在天貓開設店舖，擺明肥水不留別人田咁話。不過，或者係因為店鋪剛成立關係，所以暫時只得一樣產品：射頻機！美顏機一街都係，而呢部宣稱「范冰冰童顏機」開價2399人仔(原價話要3299人仔)，兼限量1千部，目前只接受預購，實貨要到3月底先有。射頻機預售24小時後，只見總售量為26，反應非常麻麻，似乎「斷貨王」只適用於價廉物美嘅產品之上。

對於范冰冰美容品牌兼網店，網民反應各一，唔少人都認為佢之前做Blogger原來為品牌鋪路，亦有網民認為范冰冰愛情事業兩得意，成立美容品牌有何不可。