《果欄中的江湖大嫂》星期一就隆重登場，TVB今日更為劇集舉行宣傳活動。劇中飾演酒吧老闆「小狼女」的港姐馮盈盈，更加是首度拍劇做女主角。馮盈盈接受《香港01》訪問時說：「今次要做酒吧老闆，間酒吧就開喺果欄隔離。酒吧只係得許家傑同一個啤酒妺幫手，所以我平時都要自己喺後巷洗碗。」馮瑩瑩更表示，拍完呢套劇之後，自己做家務仲叻左添。

雖然劇中馮盈盈身為老闆，所有事都要親力親為。但她現實中卻非如此，家務都要倚賴工人姐姐。「家務方面只限於洗碗，自己搞嘅嘢自己執返。（洗衫掠衫呢？）都係要靠屋企嘅工人姐姐。內衣衫褲就自己洗返，都係用番梘自己用手洗。不過嚟正唔方便嗰幾日，就要用啲特別嘅清潔劑洗，會對啲污跡有效啲。呢個係我嘅小心得。」問到這個「自己清洗衣物」的習慣，至如何時開始。馮盈盈說：「由中學開始，大個囡啦嘛，唔通仲要人哋幫自己洗埋衫，所以屋企人就叫我自己handle返。」