【合久必分】姚子羚鄭子邦3年情盡 甜蜜互動成追憶
撰文：洪曉璇
出版：更新：
姚子羚鄭子邦拍拖後大方放合照到IG。（鄭子邦IG）
早兩日先傳出黃智雯婚期延遲，估唔到今日就有報道指胡說八道會另一成員姚子羚，同拍拖3年嘅鄭子邦情盡於上月分手，令人嘩然。佢地拍拖以來，Elaine不時出席鄭子邦友人圈子聚會，仲有傳佢早已搬入男方豪宅同居，加上好姐妹胡杏兒暗示今年有「胡說八道會」姊妹好事近，大家都以為好快可以叫Elaine做鄭太，估唔到會由婚訊變分訊。
鄭子邦同唔少圈中人都好熟，姚子羚不時一齊出席活動，圖為到紅館欣賞郭富城演唱會。（鄭子邦IG）
姚子羚情路好坎坷 承認已分手：這是我們共同的決定【胡說八道真情假期】姚子羚同男友蜜遊 李施嬅死跟：無人同我去【同盟】姚子羚真實的愛情世界跌過痛過 感恩現在覓得理想男朋友
去年6月孖住出席公開活動，接受訪問時佢地承認朝着結婚的方向進發。（資料圖片）
Elaine同鄭子邦曾於去年6月孖住出席公開活動，更於訪問中向香港01記者表示：「男友仍未求婚，加上大家都很忙，但會朝着結婚的方向進發。」去年12月Elaine喺馬來西亞勇奪「最喜愛TVB女配角」時，於台上公開多謝男友鄭子邦。加上喺去年播出嘅節目《胡說八道真情假期》中，胡杏兒等一班姐妹夾計，戴上鄭子邦面具向Elaine求婚兼行禮，雖然擺明搞笑但Elaine笑得相當甜蜜。
節目《胡說八道真情假期》中，胡杏兒等一班姐妹夾計，戴上鄭子邦面具向Elaine求婚兼行禮。（影片截圖）
姚子羚鄭子邦撓住手出席楊怡羅仲謙婚禮。（資料圖片）
估唔到呢場大龍鳳雖然只係節目橋段，但有指亦成為分手導火線之一。佢地近兩年不停被催婚，令鄭子邦感到有壓力。Elaine已經37歲加上見到好姐妹杏兒結婚生子，一家三口樂也融融，萌生成家念頭，可惜男方未想定落嚟，消息指二人上月攤牌後正式分手。
據知上月分手斬斷3年情後，姚子羚馬上相約好姐妹龔嘉欣到沖繩旅行，心情似乎未受影響。（姚子羚Facebook）
+7