除了朱晨麗同黃智賢最多作品推出之外，原來劉佩玥（阿moon）都唔差，有《跳躍生命線》、《十二傳說》及《堅離地對堅離地》。阿moon接受《香港01》訪問時就好謙虛咁講，「係咩唔係呀，Morning朱都好多呀！全部都係機會，我好珍惜。都係做好自己本分，多同少每一套都係盡力，個量唔係最緊要，最重要係質。」

對於早前有指《跳躍生命線》放在星期一拍，阿moon就有咁嘅睇法，「如果套劇好睇，無論擺係星期一至五、定係星期六日播都唔會有影響，所以我好有信心。」她指放在哪一個時間、時段播出都是公司的策略。

講到現正拍攝的《十二傳說》，劇情全部都取材自香港地的各種傳說，問到拍攝時有無遇上恐怖事，阿moon就即刻話，「感謝神！完全無發生過，成個過程都好順利，所有人都好平安。」