迪士尼巡遊ShellieMay暈倒無除頭套 何遠東:表演者唔會咁易放棄

撰文:陳浩賢
出版:更新:

迪士尼樂園一直是帶給人童話的地方,但在大人細路歡天喜地之餘,在樂園內工作的職員,所要面對的壓力和辛酸,又有幾多人知道呢?近日一段香港迪士尼樂園巡遊片在網上瘋傳,其中一隻ShellieMay卡通人物,突然腳軟暈倒,雖然情況危急,但工作人員未有為ShellieMay除下公仔頭套,更急忙將他抬入後台。網民隨即批評迪士尼為了保持夢幻形象,做法相當不人道,而在舞台上扮過驢仔的何遠東,也不禁說「睇到片心頭一湧(難受),但嗰位表演者好專業」。

ShellieMay暈倒過程被遊客拍下,引發公關災難。(網上截圖)

片中所見ShellieMay卡通人物在「迪士尼明星春日嘉年華」表演期間,突然動作放慢,左右搖擺,完全跟不上其他公仔的動作,跟着ShellieMay彎起身子,更慢慢向前仆倒,明顯因身體不適而暈倒。工作人員隨即上前扶起ShellieMay,並匆匆抬進後台,但卻未有為ShellieMay脫掉公仔頭及鬆開公仔戲服,而其他卡通人物則繼續表演,現場很快已回復正常,仿如無發生過任何事。

ShellieMay不適暈倒,卻未有人為他除下公仔頭套。(網上截圖)

事件曝光後,網民一面倒同情該名表演者,亦質疑為何沒有幫演藝人員除下公仔頭,亦關注他們在烈日下工作,有否足夠的休息,紛紛留言「佢哋真係好專業」、「做mascot嘅辛酸邊個知」、「完美演繹將自己嘅快樂建築係人哋痛苦之上」、「沒有人道立場」。幸好最終該名扮演ShellieMay的演藝人員,已經無恙回家休息。

何遠東曾在台慶扮演棋子,而他相當同情該名迪士尼表演者。(網上圖片)

無綫藝人何遠東,曾經在台慶著住公仔衫扮演棋子,他接受《香港01》訪問,「Mascot係一個好辛苦嘅工作,在表演行業,做Mascot真係唔可以係觀眾面前除咗件服裝,破壞咗幻想空間。希望佢無事,起身睇到都心頭一湧(難受)。我曾經在《動物農莊》扮過驢仔,著一套好熱好厚嘅動物衫,係辛苦嘅,但做出嚟觀眾一拍手掌就會好開心。如果處理上公司知道表演者身體唔舒服,搵定後備會好啲。但作為表演者the show must go on,佢哋未必咁易放棄。咁其他Mascot都好好,令氣氛無咁尷尬,佢哋都好專業。」

《放學ICU》的蔥蔥,真身一直無人知,直至多年後才知扮演者是阮政峰。(網上截圖)
+5

至於曾在兒童節目《放學ICU》扮演公仔「蔥蔥」的阮政峰,表示「係有口頭承諾嘅,在小朋友面前任何情況都唔可以除低件衫。不過我都係10至 15分鐘完成拍攝。「蔥蔥」其實係一塊皮咁,用風扇吹脹佢,在廠拍攝就無咁辛苦,外景會吃力,所以迪士尼員工就辛苦啲。」雖然要保持童真夢幻,但站在人道立場,還是人命更加緊要吧。

相關文章:

《開心速遞》阮政峰原來係首代蔥蔥 扮公仔演足一年:係秘密!​

殮房執屍人工得1.9萬好刻薄? 何遠東:多多錢都唔制,諗起都嘔

 

阮政峰表示有口頭承諾,任何情況都不可在小朋友前除下頭套。(資料圖片)