余文樂日前親口證實太太王棠云懷孕喜訊，就快做爸爸，當然要努力搵奶粉錢，最近有份拍攝內地綜藝節目《二十四小時》嘅佢，向來都走在潮流尖端的他，竟然肯著上紅又綠嘅大媽棉襖行show，真係睇到都嚇一跳！

話說喺最新一集《二十四小時》，眾人的任務是在時裝騷中得到評審的歡心，同安以軒一組嘅余文樂，特別選擇了具有濃烈中國風味嘅大媽花花look，紅色上衣配襯綠色褲，春天氣息十足，但真係少啲勇氣都唔得掂。二人出場時，更自帶音樂《大花轎》，邊行邊跳嘅余文樂完全樂在其中……為咗賺奶粉錢，真係唔可以有任何包袱。