楊怡今日她以一襲深藍色跌膊蕾絲長裙現身，聯同吳卓羲、任達華齊齊出席活動。熱播網劇《飛虎之潛行極戰》收視報捷，同阿Ron老友鬼鬼的阿怡表示自己都有看：「因為阿羲做嘅，我都會支持嘅，同埋我見佢trailer拍出嚟都好有電影feel嘅。」

婚後生活節奏好似放慢了的阿怡，早前就有去北京旅行，不過阿怡就說自己並非是過慢生活，而是完成工作之後想休息一陣，加上現時都有慢慢調理身體，不知道阿怡是不是為生BB做打算呢：「完咗套劇，我抖一抖，如果想生BB都要調理㗎嘛，咁我覺得都係一個時機嘅，咁但係我都會繼續接嘢做呀，即係好似平時接啲輕鬆啲嘅簡單嘅。」

有排沒回TVB拍劇的阿怡，剛剛就同郭晉安、周麗淇等合作完成了《再創世紀》的拍攝，雖然離開了TVB，但阿怡坦言如果有適合的劇本都會繼續參演。以前阿怡同阿Ron都有合作過不少劇集，印象深刻的一定要數《學警雄心》系列，相信一班fans都好期待兩人可以再次一起演出：「咁就要睇下啱唔啱劇本，啱唔啱時機囉，如果有一定會嘅。」