「為咗跳舞，你可以去到幾盡？」係電影《狂舞派》嘅經典名句，亦都係好多熱愛舞蹈嘅大學生心中成日問自己嘅一句。最近，香港大學就舉行緊聯堂舞蹈表演，當中有一隊表演者圍住浴巾表演，雖然佢哋喺表演過程中就鬆開浴巾，但其實裡面係有著短褲同上衣。有討論區嘅巴打就Cap咗幾張圖，話件事好傷風敗德、意識不良，仲話個舞蹈表演係肉體露出大賽添！

相關表演大約由16:30開始：

之前為宣傳自己主演嘅無綫劇《三個女人一個「因」》，而公開表演跳舞嘅跳得之人黃智雯就話隻舞好好睇：「係造型搶眼啲，成件事好有活力，佢哋可能係想帶出啲Message，又或者有主題，好似Pole Dance（鋼管舞）意識都好大膽，但同時表現到舞者的力量同優美身段。其實呢啲都係創作嘅一部分，我都試過跳啲意識大膽的舞種，不過只係喺Studio裡面。」