【搵錢男女】鄭欣宜曾被睇死冇生意　發憤用盡積蓄開曲奇店

鄭欣宜（Joyce）最近喺譚小環、司徒瑞祈、胡孟青等主持嘅奇妙電視節目《搵錢男女》，分享自己經營曲奇餅店嘅營商之道。節目中，Joyce就話自己嘅曲奇餅店最初喺自己屋企廚房誕生，當時為咗突出產品質素，仲特意低調地化名「J」於網上與顧客接洽。之後，佢計劃開Pop Up Store與商場負責人會面時，就準備定幾款唔同味嘅產品畀對方試，點知對方冇食到不特止，仲話：「不要自以為係明星，即使你日日落舖，也唔會有好多顧客。」而Joyce就係因為呢番話，燃起心中那團火，一方面Keep住產品質素，一方面努力同其他商場洽商，仲用盡積蓄開咗首間實體店。

Joyce話，開實體店係因為開Pop Up Store時反應熱烈，以致供不應求，要限制一人只可買一塊曲奇，故此開實體店，望能讓更多顧客品嚐。對於開分店，Joyce明言未有打算，自己喜愛開Pop Up Store，因為可以到不同地區接觸不同的人。之後，Joyce亦邀請小環品嚐「魚蛋曲奇配烤棉花糖雪糕」，作為魚蛋女王的小環，初嚐沒有魚的魚蛋，亦讚不絕口。