嘉玲姐行山時捉住樹枝扮泰山吊吊揈勁有活力。（網上圖片）52歲劉嘉玲一向都勤做運動，近年仲因為跟過周潤發去龍脊行山，就愛上咗呢樣有益心身嘅活動。不時喺社交網站甫行山相、片嘅嘉玲姐，最近又同大家分享自己做「山系女孩」嘅Moment喇，片裡面嘅佢仲有青春！嘉玲姐就雙手捉實樹枝扮泰山吊吊揈身手勁靈活咁，好多網友都讚佢好犀利，仲有人話佢借機賣萌添！喺另一條片度，嘉玲姐就坐喺崖邊，最搞笑嘅係佢用App加咗啲卡通雀鳥喺側邊，少女味勁濃。加咗啲卡通雀鳥喺度真係成件事Cute咗。