雖然唔少女仕都好介意公開自己年齡，但作為公眾人物、而且仲要係入行多年的劉嘉玲，相信都無乜需要隱瞞啦，不過日前嘉玲姐就遭到翁靜晶懷疑報細數，更實牙實齒咁話52歲的劉嘉玲「有58歲。」
到底係52定58呢？主角劉嘉玲呢日現身化妝品牌活動時，就以笑話一則去形容呢件事，並且好幾次咁話「我係1965年12月8號出生的。」嘉玲姐之後表示印象中的翁晶靜好叻，而且係一名律師，唔應該會睇錯人。「可能我keep得比佢想像中好啦。」她更指如果58歲的話，劉媽媽豈不是15歲已經懷孕。「無得報細數，呢啲嘢上網一check就有。」