【逆緣．專訪】黎諾懿忘年愛上夏文汐　擔心觀眾覺得肉酸

雖然黎諾懿喺無綫劇《逆緣》裡面嘅戲份唔多，但淨係講佢同52歲嘅夏文汐（Pat姐）嘅忘年感情線已經夠哂衝擊，最爆嘅都應該係佢哋喺月光下錫錫嘅場面。有唔少觀眾都話成件事有啲重口味，而諾懿接受《香港01》訪問時，都話自己喺正式埋位前都有少少抗拒：「我好直接問監製Amy姐（黃心慰）呢個安排會唔會有事，會唔會令觀眾覺得好肉酸接受唔到。」

【逆緣．專訪】黎諾懿沉十年再上位　知自己位置：最緊要去到終點

不過諾懿好快就說服到自己接呢個角色：「我睇完劇本後好鍾意，雖然得短短八集，但係真係認為如果我真係個角色，我都可能會鍾意Pat姐。」講到佢兩個嘅親吻戲，佢話事前係有少少尷尬嘅：「好彩Pat姐性格好烈女，同埋件事好有意境，唔係後生仔嗰種埋身肉搏，見到面就要砌咁。」

有指Pat姐欽點諾懿演出，諾懿就咁答：「佢話佢睇完我《馬家開飯》，覺得呢個男仔好啱呢個角色，呢個男仔好舒服，所以向監製提議搵我。我好開心可以同元祖級女神合作，佢第一次拍TVB劇就畀咗我喎！」

【逆緣．專訪】黎諾懿馬壯味濃難辟味？　「我同佢一樣貪玩賴皮」