陳柏宇為湊B報讀學前班 衛蘭暫未恭喜黎明喜獲千金
撰文：朱奕錦
出版：更新：
陳柏宇（Jason）同衛蘭（Janice）今日一齊出席活動，為嚟緊兩人合作的音樂會做宣傳。難得見到兩位唱得之人合體開show，一班fans都相當期待，而Jason同Janice亦非常興奮，兩人除了會在歌曲方面落足心思之外，還會向大家傳遞正能量。
陳柏宇和衛蘭一起出席活動，為兩人的音樂會做宣傳（陳順禎攝）
活動上，兩人還分享了自己兒時的夢想，Jason就想做「功夫大師」，而Janice就比較天馬行空，想做「空中飛人」喎，不過好彩兩人都未實現「夢想」，如果唔係歌壇就少了兩把靚聲呀。Jason表示夢想是一直不斷追求的，自己都是通過唱歌去宣揚心中的想法，而Janice見到大眾的反饋信息，都覺得自己做歌手是一件好有意義同使命的事：「間唔中有啲人會send message俾我呀，即係聽完特別《生涯規劃》呢首歌呢，佢哋會覺得係好鼓勵到佢哋去追求夢想囉。」
Jason同衛蘭向大家分享兩人兒時的夢想（陳順禎攝）
早前Jason公佈太太懷孕，自己終於升呢做爸爸，所以都有計劃去上一些學前班，學習點樣湊BB：「嗰啲班呢好似好demanding，佢一個禮拜上一堂，咁連上五、六個禮拜咁，但係我啲時間好似冇得咁fix喎，但我都一定會去學，自己要增長多啲呢啲安全意識。」聽Jason咁講，日後一定是一位廿四孝爸爸啦。
Jason坦言為BB報讀學前班，為湊B做準備（陳順禎攝）
除了Jason，黎明前排都喜獲千金，榮升做爸爸，不過Janice就暫時未恭喜對方：「因為我覺得佢一定有好多人message緊佢啦，所以我想俾啲時間佢，可能隔一個月之後先message佢囉，佢就會覆返我。」
Janice透露暫未恭喜黎明做爸爸（陳順禎攝）