賽車手陸漢洋近日穿著一身西裝出席服裝品牌活動，William穿賽車服就見得多，但斯文打扮就好少見，William講到其實自己都有少少唔習慣，William透露：「自己平時著衫都唔係好講究，自己就比較少著西裝，除咗一啲正經場合同埋朋友聚會先會打扮一下。」，William笑言自己著咩都差唔多樣所以唔洗未婚妻幫佢打扮。其實年尾就係William同苟姑娘嘅大喜之日，但講到係結婚之前其實仲有一樣重要事情對William必須要做嘅事情，就係5月中喺法國有場賽車比賽，William講到：「上年就係世界五十強當中，拎到第十，成績都算唔錯，（今年目標係第一？）呢樣嘢冇一定，當然每個人都想，都需要好多天時地利人和，所以希望今年目標係前六名完成。」，至於法國之旅會唔會有未婚妻打氣支持會更有動力呢？William就答到未必會啦，佢太多工作。

早前苟芸慧拍攝廣告性感示人，但她透露會是婚前最後一次性感，未知是否因為William婚後就禁止佢性感呢？對於呢個問題William就表示：「我睇咗個廣告，我唔覺得好性感，不過個廣告佢好靚，其實只要係靚、健康同佢開心，我唔覺得會係一個問題。」，至於婚禮上的事情，William想畀一個驚喜苟姑娘，所以呢方面問題佢就表示唔回答了。