陳智燊、宋熙年與腹中寳寶三人行出席今天汽車發布會！大會為兩人送上嬰兒車及用品，兩公婆同場大曬恩愛！場面閃光燈不斷，相當溫馨！即將做爸爸的陳智燊（Jason）在接受《香港01》訪問時，透露每日都好開心又興奮，會好掛住太太同個bb，更會隔住太太個肚皮同bb講嘢加唱兒歌！問到bb的性別時，Jason續說：「係男仔，其實男女都冇乜所謂，女仔會好冧，男仔會好易湊，不過都一樣咁愛佢地！」

熙年表示：「平時大家工作忙碌，而且工作不定時，自從有咗BB之後，老公每日都會接送，大家會在呢啲時間傾計，老公會摸下我個肚，又同個b傾無聊嘢⋯哈哈！」BB出世前，父母都會為bb買定嬰兒用品及家具，呢兩公婆都唔例外啦？他們表示：「好多野未準備好，仲上網搵緊相關嬰兒用品，未知邊樣嘢好，都要請教朋友幫吓手！」演戲和做主持對兩位完全冇難道，相信升呢做人父母就唔係咁易喇！