【冒險王衛斯理】同屍體表白係咩玩法?余文樂今集真係可以唞唞 

撰文:鄺鈺瑩
出版:更新:
童小姐(邱璐璠飾)於《冒險王衛斯理之支離人》的戲份並唔多,不過佢嘅情深就令唔少觀眾都有留意到。(網上圖片)

倪匡筆下的衛斯理同白素係一對金童玉女,王晶改編後的《冒險王衛斯理之支離人》,余文樂飾演的衛斯理變成了萬人迷,除張秀文、胡然之外,飾演埃及文物專家的童小姐亦對衛斯理一往情深,就連衛斯理條屍都唔放過……

今集一開始就話衛斯理同白素熱吻時,被對方開槍殺死。(影片截圖)
搵到起死回生方法後,童小姐首要係去偷衛斯理條屍,見到「實物」後,傷心又痛心,繼而表白「其實我知道你心中只有白素,但唔緊要,只要你醒來生存就好……」(網上圖片)

話說今集講衛斯理被白素槍殺後,眾人搵到「起死回生」的方法--輸入電能到古盒後,所釋放出來的能量可以令萬物復活,童小姐為了取得大量的電力,除色誘發電廠的保安,亦大膽潛入停屍間,不過最癲嘅係佢竟然對住一條屍體表白,而且仲要瞓喺佢心口……

衛斯理復活之後,第一件事當然要CHOK番夠本!(影片截圖)

飾演童小姐嘅邱意濃(原名邱璐璠),入行前曾參加過多個選美比賽,當中包括TVB的中華小姐並得到魅力新人獎以及08年的亞洲小姐,到2013年佢由模特兒轉形做演員,雖然拍過《古劍奇譚》、《秦時麗人明月心》等大熱劇集,但戲份唔多所以並未有太大迴響。直到前年邱意濃成為晶女郎之後,即時有得同任達華合作電影《黑白迷宮》以及《冒險王衛斯理之支離人》。不過,晶女郎並非只有佢一人,再加上今集大部分焦點都落在胡然身上,所以邱意濃要上位真係要加把勁。

邱意濃08年以邱璐璠之名參加亞洲小姐競選,當時個樣同依家都差得幾遠。(影片截圖)
論身材,邱意濃的33C雖然比唔上胡然的34E,但身高1.72米的她配埋對40吋長腿勝在夠均勻。網上圖片)
+10