【飛虎之潛行極戰】梁烈唯狂show手指紋身　究竟YOLO點解？

《飛虎之潛行極戰》播出第八集劇情越嚟越緊張，梁烈唯所飾演嘅變態恐怖份子Kenny以殺人為樂，第7集仲設局炸死咗黃威廉。見到威廉炸死咗之後唯唯好開心，仲瘋狂大笑，嗰隻超高音魔性笑聲，聽落都幾不安。身為前海豹特擊隊成員嘅唯唯，身形嚟講就比較輸蝕，都係身上嗰個兩個紋身搶鏡好多，因為唯唯不段喺鏡頭面前大晒紋身。之前都講過有眼利嘅網民話唯唯嘅紋身一啲都唔match，劇中有一幕仲整個大特寫影住唯唯手指上面嘅「YOLO」。

【飛虎之潛行極戰】梁烈唯差佬變恐怖分子 扮奸笑聲勁似小丑

其實「YOLO」嘅意思就係「You Only Live Once」嘅英文縮寫，網絡嘅意思就係鼓勵人把握時間去及時行樂，通常呢句說話都係活躍於青少年嘅對話當中，而呢句說話用得最多就係2011至2012年。事緣加拿大饒舌歌手Drake喺2011年嘅歌曲《The Motto》入面用咗「YOLO」做宣傳，所以就被網民瘋狂使用，漸漸「YOLO」就由原意變成鼓勵大家唔負責任嘅事嘅藉口，最後變成毫無意義，而家都好少人再用呢句說話。