演出業協會今日（5月24日）聯同其他業界機構舉行記者會，支持政府打擊黃牛黨，記者會中建議6項措施，多管齊下，應付近年黃牛黨的問題，「協會」目的要保障業界及消費者嘅權益。6項措施分別係「加強執法，提高罰款」、「訂位法例，監管二手炒賣平台，俗稱炒飛網」、「改善購票系統安排」、「修改法例」、「提升演唱會官方資訊透明度」及「增加表現場地」。

協會主席陳淑芬表示黃牛黨問題日益嚴重：「黃牛黨不單影響市民，損害消費者，演出行業深受其害，整個行業的產業鏈都受到打擊，我哋支持政府打擊黃牛黨，特別是透過加強執法，重點針對『炒飛網』及『網絡黃牛』，堵截『電子排隊黨』及『人肉排隊黨』。」「協會」副主席許冰心被問到好多網友指贊助商及內部購票成為「炒飛」最大根因，許冰心稱：「其實主辦機構同贊助商都有合約，如果佢地做一啲違反合約嘅事，其實我哋可以同佢終止合約，不過如果政府能立法「炒賣」係刑事法，我地可以控告佢地。」

記者會最後講到需要政府全力配合，先可以實行6項建議，若果政府唔配合都形同虛設，不過「協會」眾人都好有信心表示政府會配合，希望真係可以快啲解決問題啦。