湯洛雯妹妹湯樂瑤(Cassandre)近排喺IG大派福利，不停上載在馬爾代夫旅行的靚相。人氣急升嘅佢，日前開在一個有「誠實app」之稱嘅Sarahah account，網友可以匿名留言，粗略估計都有接近400 個留言，全方位問Cassandre唔同嘅問題，而佢都好大方咁一一回答，仲將所有回應都PO上 IG Story。即使有人講啲意淫或唔禮貌嘅說話，甚至問佢有無接客，EQ高嘅Cassandre 都有回應，應答大方得體又不失幽默，不愧係中大法律系高材生！

網友問嘅問題包括Cassandre 佢嘅家庭、感情以至學歷等，而佢就係而問佢身材嘅問題都唔少，例如如何豐胸，三圍數字等等，最搞笑係有人問佢感情問題，例如男友偷食應唔應該原諒佢，點樣結識異性等，Cassandre 都係有問必答，想更認識Cassandre，click 以下圖片睇啦！

好多人話妹妹Cassandre 嘅作風比家姐湯洛雯貼地，無錯妹妹真心好正，但佢始終都係圈外人，無身為圈中人嘅家姐咁多包袱，所以言行舉止都會相對輕鬆啲，而且大家都會對公眾人物要求比較高，因為阿妹唔係圈中人，大家對佢嘅期望會低啲，所以大家就會容易覺得阿妹好似正過家姐，其實咁樣對湯洛雯唔係咁公平呢！