蔡思貝最似唔係木村達哥 餅印媽媽勁後生似足兩姐妹
撰文：洪曉璇
出版：更新：
蔡思貝出道以嚟，次次被指撞樣都係男人，一個係木村另一個係達哥。（蔡思貝IG）
早前木村拓哉細女光希，以Kōki之名於模特兒界正式出道，光希同年輕時嘅木村簡直餅印一樣，唔少香港網友亦即時諗起，「香港木村」蔡思貝。雖然成日俾人話似男人，不過事實上Sisley最似嘅應該係蔡媽媽，呢日佢貼出同媽媽嘅合照，Sisley真係似媽媽多過似木村架﹗
蔡媽媽真係好後生呀﹗（蔡思貝IG）
今年初Sisley以不足2小時跑完半馬拉松，令網民刮目相看好感度急升，呢日Sisley喺IG上載同蔡媽媽嘅合照，著上一黑一白母女裝，Sisley挨住媽媽膊頭對住鏡頭甜笑，留言話：「It’s not mother’s day, but I love my mummy! Thank you for your love （今日唔係母親節，但我一樣咁愛媽媽！謝謝你的愛）」見到檯上有菜有魚，一家人可以坐低齊齊食餐家常便飯，平淡其實最幸福。
初出道時蔡思貝有同媽媽一齊出活動，對比近照好似兩母女都靚咗﹗（視覺中國）
網友都相當羨慕Sisley有個年輕媽媽，笑言兩個好似餅印姐妹花。其實Sisley唔止似媽媽，佢地一家人都相當似樣，見到之前佢分享過一家五口合照，相片中有蔡爸爸蔡媽媽，仲有佢嘅爺爺嫲嫲，一字排開5個人都係餅印一樣，真係出街都唔怕走失啦。
其實蔡氏家族幾個都好似樣。（蔡思貝IG）
+1