【冒險王衛斯理】藍血人、衛斯理緣份早注定 咁昏迷白素點算？
撰文：鄺鈺瑩
出版：更新：
文詠珊一出場就已經有唔少打戲，不過對於近年走打女路線的她來說應該唔算難。(影片截圖)
《冒險王衛斯理》第一季的《支離人》終於在負評聲下close file，第二季《藍血人》講述一對僅存宇宙的藍血人情侶，因遭追殺，失散了幾百年，在余文樂飾演的衛斯理協助下得以重逢，但已人心全非。
一睇對腳粗成咁，就知唔係文詠珊啦。(影片截圖)
於劇中飾演藍血人方天涯一角的文詠珊（Janice Man)為了得到「藍色手骨」而去搵古董收藏家，繼而與余文樂相遇，奇怪的是，二人每次見面時，都總會有一大班人從後追殺，更奇怪的是，余文樂雖與對方素未謀面，卻又一次又一次出手相救，最後搞到中鎗……其後余文樂想起小時候曾被文詠珊救回一命，並在家中發中與藍血人相貌一致的古畫，呢啲唔通就係整定？但另一方面，未婚妻白素依然昏迷當中，面對外表冷豔、但原來係救命恩人的藍血人，衛斯理到底會否動搖呢？值得一提嘅係，首集藍血人同衛斯理就已經有咀戲……
余文樂為救文詠珊而中鎗（到底全劇要中幾次鎗？），文詠珊以一滴藍血救回其命，且未有留下任何疤痕，仙丹咁勁。(影片截圖)
近年主攻電影的文詠珊，雖然偶有拍劇，但只限中國地區，難得今次因《藍血人》出現喺大台，都值得一睇，再加上佢無論係冷豔的角色造型，抑或動作場面，都令為劇集帶來電影感（雖然有少許動作埸面明顯睇得出係用替身）。再加上有喬寶寶、伍允龍等人，《藍血人》的期待度絕對遠超《支離人》。
+1