歐陽震華（Bobby）於《誇世代》完結後暫時都未有新作品公開，日前(11日)他出席好朋友黃智賢嘅醫學美容鋪頭開幕，竟然話自己係最近去咗「微調」，Bobby笑說：「大家唔覺得我唔同咗樣咩？我就係微調到漲咗，我以前瘦過頭，所以就要微調一下塊面，圓番少少就親和多一啲。」Bobby就笑言自己太瘦，所以上鏡唔好睇，但增肥嘅秘訣係啲乜呢？Bobby就解釋：「我係一個飲水都會肥嘅人，因為太瘦就好多人問我冇事嘛，我有相熟中醫介紹，所以我就決定微調番肚腩岀嚟。」就算瘦也好，肥也好，做人最緊要健康！