【睇唔出】龔慈恩女兒林愷鈴是劍擊高手:有排名但唔係好叻!

撰文:關穎賢
出版:更新:

藝人龔慈恩女兒林愷鈴(Ashley)今日現身銅鑼灣Fashion Walk出席世界盃揭幕活動,熱愛運動的Ashley接受《香港01》活動時,透露自己都有玩開劍擊,更有參加學界劍擊比賽:「雖然唔係好叻,都有拎過團體獎,自己都有排名,但唔係好叻。」問到為何會選擇劍擊這項比較偏門的運動,Ashley直言劍擊是一項男女公平競賽的運動,同時很需要用腦,笑言:「如果你唔帶個腦上場,就算你幾強都好都會好輸蝕。你見到我比較奀,但打劍擊嗰時用個腦去打,都會更勝一籌。」

身材高䠷的Ashley原來是劍擊高手。(梁碧玲攝)

至於談到會否加入娛樂圈,Ashley坦言自己對藝術很有興趣,加上現時剛剛完成了考試,所以希望能夠出席更多活動,見識更多,謂:「而加我暫時對畫畫、設計同寫作比較有興趣,有機會做幕後工作,但我現時接觸最多都係模特兒工作,或者演戲,我對呢啲都好有興趣,媽咪對我做所有嘢都好支持。嚟緊入大學揀科就揀咗一係建築或者文學。」