吳尊繼2月在微博曝光老婆林麗瑩廬山真面目之後，日前更大方曝光家族的全家福。日前係吳爸爸72歲生日，吳尊在微博上寫道：「簡單的慶祝，滿滿的喜悅。」不過搞笑嘅係，除了吳爸爸之外，吳尊幫其餘嘅大人都用圖案遮臉，反而小朋友就無遮。

相中嘅吳爸爸一頭黑髮望落非常後生，一啲都唔似 72 歲，更有網友話爸爸直頭似吳尊哥哥。吳尊仲po出一張爸爸年輕時的學生相，留言說：「他（爸爸）還分享一張跟我一樣man的照片。」相中年輕時嘅吳爸爸，五官標致，雙目堅定有神，有幾分似韓國 Oppa 崔始源，網友驚呼吳尊原來是遺傳了爸爸嘅高顏值，仲話年輕時嘅吳爸爸靚仔過吳尊添！呢啲完全係贏在起跑線。