余香凝任Dear Jane MV女主角 笑晒口開工未受情變影響

撰文:鄺鈺瑩
出版:更新:
余香凝為Dear Jane新歌《深化危機》擔任MV女主角。

余香凝同陳家樂結束三年情,女方因疑似搭上新歡而遭網民臭罵,正所謂戲如人生,原來余香凝早前為Dear Jane擔任新歌《深化危機》MV女主時,都係同男友因感覺變淡,而透過交友應用程式結識男性朋友,最後更相約見面……而在MV中,余香凝明明已經有靚仔男友黎學勤。
 

MV於本月初拍攝,剛與陳家樂分手的余香凝由早踩到晚,未有半句怨言。

Dear Jane推出今年第一首主打歌《深化危機》,由於歌曲係佢哋改變曲風後的頭炮作品,故大家都十分重視,MV由主音Tim親自執導做導演,更起用了兩組不同的拍攝團隊分別拍攝了兩整天,首日在一個夜光保齡球場拍攝Dear Jane樂隊成員的表演畫面,而另一日側是拍攝MV的主軸故事:一對感情日漸變淡的情侶,各自透過交友應用程式結識新歡。而呢對「情侶」就係黎學勤同余香凝。

Nice同Jackal笑言Tim每次都會搵高質素的女主角,故雖然無份拍攝MV,但都借故去到現場探班,一睹美人風采。

據知,MV於本月初拍攝,換言之,當時余香凝同陳家樂已經分手,不過由照片所見,余香凝未有太大異樣,更與到來探班的Dear Jane成員有說有笑,呢啲係未可以叫專業呢?!而身為導演的Tim亦大讚黎學勤同余香凝,雖然由早拍到晚,但未有半句怨言,而且十分到位。