【世界盃】靚仔過碧咸！　阿根廷新星戴巴拿每逢入球即「掩面」

世界盃來到第三日，香港時間周六（16/6）凌晨欣賞「雙牙大戰」，相信大家的焦點都落在上演帽子戲法的C朗（Cristiano Ronaldo ）身上。當然深有深睇，淺有淺睇，識睇波當然在乎球技與球員陣容，對睇波一竅不通，也會有方法「娛樂」自己，正如今晚9時的冰島初戰阿根廷，一樣都有靚仔睇，事關阿根廷有萬眾期待的美斯領軍，相信大家都好想一睹他的精彩入球，但今次教練森柏奧利（Jorge Sampaoli）沒有將希古恩（Gonzalo Gerardo Higuaín）、保羅戴巴拿（Paulo Dybala）等球星作正選出場。

值得一提就係效力祖雲達斯的保羅戴巴拿，這位24歲前鋒今屆首次亮相世界盃，算是近年來阿根廷少有的靚仔球員。

除了五官標緻，同時擁有鋼條身形，要樣有樣，要腹肌有腹肌，不過最令球迷心動，必定是他特別的慶祝入球招牌掩面姿勢「Dybalamask」。

究竟這塊「Ｍask」有何特別意思呢？戴巴拿之前接受外國傳媒訪問時透露，這個慶祝入球姿勢代表鬥士面具：「當我們遇到掙扎時，有時必須戴上鬥士的面具來讓自己變得更加強壯，同時不失去笑容和善良的心。」聽落又真係好有意思。

能夠獲選國家隊，是戴巴拿的夢想，他視美斯為偶像，而美斯早於兩年亦已點名力撐戴巴拿前途無可限量，不過好可惜入到國家隊，戴巴拿同美斯撞位，未知道今晚這場賽事，戴巴拿會否有機會一展腳法。

能夠入選到國家隊是戴巴拿嘅夢想，佢視美斯為偶像，而美斯早於兩年前都點名力撐戴巴拿前途無可限量，不過好可惜入到國家隊，戴巴拿同美斯撞位，未知道今晚嘅賽事有冇機會落場。