70年代初影壇紅透半邊天的姜大偉將參與舞台劇《偶然徐志摩》，日前接受電台訪問時，被問到於邵氏拍過無數經典武俠片，但後期擔任導演時，卻以溫情片為主，他笑言：「我覺得自己永遠都唔及師父張徹、劉家良拍得好。我點解要破壞張徹導演畀我咁耐嘅形象呢？」

談到70年代初，姜大偉紅透半邊天，但74年就選擇與李琳琳結婚，姜大偉承認早婚，但亦無悔，並透露當年在朋友的婚宴上認識太太，謂：「可能呢啲就係所謂嘅一見鍾情，所以就發展，一發展就發展咗四十幾年。係好早結婚，但嗰時怕咩？結就結啦！加上嗰時係奉女成婚，有咗依蘭就結婚，我又唔覺得結婚會對我有咩影響！」

姜大偉與李琳琳是圈中模範夫妻，但1994年姜大偉回港拍劇《再見亦是老婆》時，一度傳出婚姻亮紅燈，他直言不會理會這些傳聞。但面對2011年太太李琳琳證實患癌，姜大偉坦言非常擔心，不過他跟太太早已看透生死，說：「老婆有病，就算普通傷風咳嗽，我都會擔心，但老婆反而安慰我！接受化療過程，佢好痛苦，而家康復，都係太太肯接受治療。我哋對死亡並唔係好害怕，因為大家都知道人必有一死，分別只係邊個走先。就算離世都好，都唔需要擔心死後放喺邊、有冇有人去拜祭，我哋想法都一致，死後只需火化然後灑掉就可以。」