夜訓的朋友，應該有追看《刑偵》或者《皆大歡喜》，不難發現飾演Madam雷的林漪娸，在最近重播的第三輯中突然消失了，亦引起網友的關注，今日（29日）漪娸姐出席活動，提起《刑偵》這套２３年前的作品，她最記得的是陶大宇，她說：「當時我就唔係咁辛苦，我做Madam冇乜外景，我點大勇，義仔出去啫，哈哈，當年演呢套劇時，一班演員合作得好開心，我最記得陶大宇就真係好辛苦，佢係幾日都唔瞓，有時攰到條脷都郁唔到，因為佢唔夠瞓，控制唔到自己，講對白「lur」到好辛苦。」

自從拍攝完《愛．回家》處境喜劇之後，鮮有看到漪娸姐演出，不過她很開心《愛．回家》這套劇夠入屋，更記得有家長只給子女看這套劇，她說：「我記得有次喺街，有個做教書的媽咪同我講『我唔俾個仔睇電視喇，剩係俾佢哋睇《愛．回家》』因為佢哋覺得俾到正面message個仔，咁一套劇如果娛樂到人又俾到訊息人哋，係一件好事。」