好少見人的方大同（Khalil）今晚（30日）與王詩安、樂隊Dear Jane出席汽車品牌主辦的音樂會。Khalil坦言非常興奮，因為近年比較專注於幕後工作：「冇見大家一段時間，都好希望同大家玩得開心啲。」

不少天王巨星都勁愛買跑車，包括郭富城、張智霖等都是愛車之人，問Khalil會否買跑車？他的答案令人意外，原來他沒有車牌：「其實自己十幾年來都講過好多次想去學車，但一路都抽唔到時間出嚟學，自己都希望呢幾年可以學到，如果可以嘅話畀個目標自己4年內達成。」

Khalil又坦言之後會推出兒歌和充滿「方大同特色」的新歌。提到他7月中生日，問打算點樣過，他坦言：「真係好忙，冇想過呢一方面，生日當日都要工作。」感情方面更加不用說，因為沒有時間專注愛情。雖然話專心嘅男人係好有魅力，但有時候都要停一停為自己幸福着想。