【多圖．激罕】吳海昕曬比堅尼騷43吋長腿：係視覺效果嚟咋！
撰文：陳栢宇
出版：更新：
吳海昕（Sofiee）在ViuTV劇集《賤民20》的癲喪演繹的確嚇親好多觀眾，暗忖到底她在鏡頭外又是否好似戲中一樣神經兮兮，但諗深一層Sofiee其實是港姐出身，2014年參選時更獲網友封為「民間港姐」，雖然她最後失落三甲，但認為這位現時以演員為志業的女孩子才是美貌與智慧並重的冠軍之選。最近，她在社交網站中貼出幾張泳衣照，提醒大家演員吳海昕猶勝從前。
吳海昕在社交網站上貼出多張比堅尼相，令網友不禁大讚她擁有Fit爆Body。（facebook）
相中身穿藍色比堅尼的Sofiee在海邊大騷零贅肉Summer Body，而最令人讚嘆的是她的一雙目測有43吋的長腿，加上佢個靚樣，如果她能夠再選今屆港姐絕對輕易取勝！其實最近Sofiee為了Fit爆身形的確付出不少，幾乎晚晚跑步，問她為何變得積極，她坦言是為拍劇準備：「因為要拍港台嘅《火速救兵》，我喺裏面係做一個救護隊目，而陸駿光就飾演我嘅消防員老公，因為佢大隻，所以我唔可以睇落削過佢好多。同埋我好想參加嚟緊嘅渣打馬拉松，目標係半馬賽事，暫時就練緊跑10公里。」笑言︰「唔跑唔知身體好」的Sofiee就指是趁這幾天下午有放晴時間，所以到海灘和陽光玩遊戲。
講還講，唔好單眼，因為會謀殺了好多小小宅男。（facebook）
記者笑問泳衣是否淘寶貨，Sofiee即答：「梗係唔係啦，百貨公司買㗎！（幾錢一套？）都要300至400蚊套呀，其實泳衣嘅顏色好緊要，啱我膚色Colorful啲要喺百貨公司先搵到，而家呢套就令我睇落白淨啲，感覺日系啲。」記者又話Sofiee對腳睇落成43吋長，她即笑指自己腰長過腳，又謙虛地說：「我唔記得咗我幾多吋喇，我諗得39、40，係張相影得太好、太有視覺效果。」
原來400蚊就可以做到吳海昕個效果喇！（facebook）
+3
點擊下圖觀看Sofiee其他靚相：
+12