【入住請敲門】播出時閃現「人頭」 林婷嗌驚：我完全唔知係乜
撰文：鄺鈺瑩
出版：更新：
林婷說大宅的結構都幾複雜，但亦指內裡有不同的主題，裝修幾特別。「但橙色區域有好多地方都封咗，另一邊就淨乾少少，但就有好多蝙蝠屎。」
Viu TV靈異探險節目《入住請敲門2》兩位主持莫竣名同林婷，分別去到泰國同馬來西亞嘅超猛鬼酒店嚟挑機，而為咗加強挑機性，兩位主持更去到多個靈探點。
莫竣名於首集在曼谷一間知名猛鬼酒店宴會廳唱歌時，遠處閃現疑似長髮遮面的女性人影，由右邊往左邊飄過……但節目播出時，該人影未有被「眼仔」所標記，故有網民就認為係幕後，當然網民認為係……而喺昨晚播出一集，林婷去到位於吉隆坡Jalan Bukit Ceylon路上的荒廢大宅探險時，當佢由二樓行樓梯上三樓時，於三樓的橙色門後忽然閃現疑似人頭，雖然呢個頭只係出現咗一秒，但唔少觀眾都話見到，更在討論區議論紛紛。
於節目18分鐘左右，林婷準備由二樓行上三樓時，橙色門後突然出現一個疑似人頭的物體。
根據莫竣名同林婷早前於訪問時的說法，於靈探點或現都市傳說拍攝時，多數只會係主持、攝影師、師傅呢個組合留守現場，所以按理來說，大宅三樓唔會有其他工作人員在場。林婷接受電話訪問時，就話都有見到網民cap圖，並表示：「我完全唔知係咩，當時見唔到！嚇死。係人都唔會縮得咁快，仲要黑色面！」林婷表示該幕出街後，都有問過工作人員。「佢哋應該唔會咁無聊走上三樓，同埋剪片時佢哋係見唔到呢個頭，有佢哋都會出眼仔同話我聽。」她指三樓有部分地方封起來，而閃現人頭的位置的上方，則貼有溶溶爛爛的符，她當然雖然有走過，但就完全感受唔到任何嘢。「依家睇返都幾恐怖，如果係人，無理由得半個門嘅高度。」
林婷接受電話訪問時，都直呼「好彩」因為拍攝時未有見到……