「Sing之天使」菠蘿轉做攝影師　郭穎橋：我希望自己開一間公司

2008年以歌手身份入行嘅郭穎橋，曾擔任節目《耳分高下》的「Sing之天使」成員「菠蘿」，令不少觀眾留下印象。但後來，郭穎橋因與當時的經理人公司發生合約糾紛，惹上官非，而被逼暫停所以幕前工作，在娛樂圈銷聲匿跡。雖然事業遇上阻滯，但反而令郭穎橋醒覺：「當時第一個夢想是唱歌，但已經無咗。好難得可以靠自己發掘到第二個，而你有機會做得到的夢想。另外，我又覺得女仔真係無可能成世靠外面，行運一條龍，始終要有一樣實實在在的東西，去豐富自己的靈魂。」

赴台學攝影困難重重

郭穎橋亦坦言轉型路上一點也不容易：「我退出娛樂圈之後，打返份平常的工作，儲咗兩年錢，就一個人去台灣讀攝影。」不理家人的反對，郭穎橋獨自去到台灣修讀攝影：「嗰陣聽普通話又唔叻，成日聽錯搞到做錯晒啲功課，老師要我重做又重做。但唯有勤力啲，上堂果陣錄埋音返做筆記，放學又去睇多啲攝影大師嘅作品，又周圍問人。」

畢業後獲馮志強導演賞職

剛畢業，郭穎橋就獲馮志強導演邀請為電影《大樂師·為愛配樂》影劇照：「過程中，我感受到台前幕後每一個人都好用心、好熱誠去拍攝。當時導演仲揀咗一張我影嘅相做海報，真係好鼓舞，多謝導演肯俾個初哥去試。」

收入大不如前但會努力

郭穎橋直言自己攝影事業剛起步，收入不多。「最近為王貽興和劉翁自編自導自演嘅電視劇《VR驅魔人》影劇照，還有一部關於拳擊的電影。其實出色的攝影師的收入不比做幕前少，我仍需慢慢磨練。」

望開公司吸納女攝影師

郭穎橋在去年獲ViuTV邀請參加攝影真人騷節目《攝．太帥》，並在節目中成功撃敗其餘9位對手，成為總冠軍，佢亦希望繼續參加比賽並舉辦大型的個人攝影展。郭穎橋為自己定下目標：「我希望自己開一個公司，入面有好多唔同風格的女攝影師，大家互相交流。因為攝影師市場，主要是男攝影師做主導，希望將來有更多女攝師加入。」另外，郭穎橋亦透露每年新年，前監製錢國偉都會約成班天使見面，所以至今大家亦有聯絡。

唔止你哋又覺得郭穎橋影成點呢？睇圖喇！