【入住請敲門】芭堤雅賓館人妖被殺 「天然冷氣」莫竣名都話恐怖
撰文：鄺鈺瑩
出版：更新：
《入住請敲門2》團隊於藏屍案酒店租住了三個房間，莫竣名「硬食」了工作人員最唔想住嗰間房，結果怪事不斷。
《入住請敲門2》今集入住位於芭堤雅、去年發生藏屍案嘅廉價賓館，遇害者係28歲的人妖，而犯人則為17同14歲青年，據當地報導所指，三人曾一同入住該賓館，後因發生衝突而將28歲的人妖殺死，並將其屍體藏於床架，翌日退房後，一對情侶入住該房間，但除了聞到臭味之外，並未有感到異樣，直到退房時，工作人員驚見床邊有血水才揭發命案。
遇上怪事，唯有爆粗定驚。
莫竣名聯同工作人員入住該廉價賓館，並租下三個房間，就係介紹房間環境如何時，突然傳來水喉聲，眾人起初都不以為意，直到莫竣名打開洗手間門，才發現水聲的來源！不過，最令沙膽哥嚇到鼻哥窿都無肉嘅係個水龍頭屬於按壓式……莫竣名爆粗定驚之後，唯有講句「唔好意思」再拉返起個水龍頭。
水龍頭自動出水……
莫竣名接返訪問時指出，由於房間環境甚為惡劣，床單被鋪又舊又有蝨，所以當晚他特意調高房間冷氣。「間房啲被真係唔會想用，所以嗰晚我用自己件外套蓋著自己，但間房凍到好似雪櫃咁，之後仲比鬼壓，唉……我郁得之後第一件事係衝去睇下部攝影機有無電，費時嘥咗，但呢部分可以話係成個trip最離奇最恐怖。」問到被鬼壓後有什麼感覺，莫竣名就笑晒咁話：「無呀，咪起身囉。」
莫竣名話其實客房除床褥外，連窗簾都有有血跡。